ANG DIOSDIOS MAO ANG PAGSIMBA OG FAKE NGA DIOS!

The image of the Last Supper of Jesus with the Apostles

“Ang mga Katoliko nagsimba sa larawan; Sila nag "diosdios!” Mao kini ang kanunay nga akusasyon ug pasangil sa mga dili ingon nato nga mga Katoliko, tungod kay ang mga Katoliko adunay may mga imahen o larawan nga gibatunan sa sulod sa templo ug bisan gani sa mga kabalayan. Mao kini ang rason nga nagtuo ang mga dili-katoliko nga usa kini ka dakong salaod ug kini supak sa balaod sa atong Diyos.

Ngano man? Unsa ang basehan? Tungod kay ang Biblia nag-ingon sa Exodus 20:4-5:

“Ayaw pagbuhat ug diosdios o larawan sa bisan unsa didto sa langit o dinhi sa yuta o diha sa tubig nga anaa ilalom sa yuta. Ayaw pagyukbo sa bisan unsang diosdios o pagsimba niini kay ako ang Ginoo nga inyong Dios ug abughoan ako. Silotan ko kadtong nagsalikway kanako lakip ang ilang mga kaliwat hangtod sa ikatulo ug ikaupat nga kaliwatan." (Exodo 20:4-5)

Unya gidasonan pa gayud kini sa pag-ingon diha sa Exodus 32:31:

“Pagkamakalilisang gayod sa sala nga nahimo niining mga tawhana! Naghimo sila ug diosdios nga bulawan aron ilang simbahon." (Exodo 32:31)

Insakto ang nakasulat sa biblia nga gidili ang pagbaton ug "diosdios" o laing diyos nga dili tinuod; o kaha ang paghimo ug larawan o rebulto aron simbahon nga diyos. Usa sa dakong sayop nga himoong diyos and dili Diyos! Sa english gitawag kining salaa nga "idoltry"!

Atong klarohon ang definition sa "idolatry" kay ang mga dili-katoliko wala kasabot niini tungod kay nagtoo sila nga ang "idolatry" o "diosdios" mao ang mga larawan o rebulto! Sayop kini nga panghuna-huna kay ang "diosdios" o "idolatry" wala nagpasabot ug rebulto. Kini nagpasabot ug pagpuli sa matuod nga Diyos ngadto sa usa ka fake nga diyos o diyos nga dili tinuod!

"idolatry" connotes the worship of something or someone other than God as if it were God.

And buot ipasabot nga ang "diosdios" mao ang pag-ila ug usa ka butang (adlaw, kahoy, bato etc.) o nilalang (tao, anghel, hayup, langgam, isda etc) nga ilhon nga diyos bisan kini dili matuod na Diyos! O kaha imong himoan ug "larawan o rebulto" ug ilhon nga Dios! IMONG GIPULIHAN ANG MATUOD NGA DIYOS SA USA KA DILI TINUOD, as in FAKE!

Gipamatud-an kini ni San Pablo sa iyang Unang Sulat sa simbahan sa Corinto 8:4:

"Busa mahitungod sa pagkaon sa kalan-on nga gihalad ngadto sa mga diosdios, nahibalo kita nga ang diosdios dili tinuod. Nasayod kita nga usa lamang ang Dios."

Mga Kaigsoonan, wala gayod magtudlo ang simbahang Katoliko ug "diosdios" kondili nagtudlo lamang kini ug USA KA MATUOD NGA DIYOS! Ug gani kanunay kini natong giyamyam ang "the Apostles Creed" sa pag-ingon: "I BELIEVE IN ONE GOD, the Father, almighty, Creator of heaven and earth ... I believe in Jesus Christ, his only begotten son Our Lord, born of the Virgin Mary ... I believe in the Holy Spirit, the Lord, the giver of life, etc."

Dugang punto, wala usab magtudlo ang simbahang Katoliko nga ang mga "larawan o rebulto" mga diyos! Kondili ang mga rebulto mga larawan sa mga "balaan nga tao" o "santo" kay ang pulong "santo" gikan sa spanish word nga pasabot sa english nga "holy, holiness, sacred". Ang mga "Santo" mao ang mga magtotoo sa Dios ug "nakaambit sa kabalaan sa Dios" pinaagi sa pagsunod ni Ginoong JesuCristo, atong Manluluwas! Si San Pedro nagpadayag sa panawagan sa Dios sa pagka-santo o pagka-holy:

"Pagkinabuhi hinuon kamo nga balaan kay balaan man ang Dios nga nagtawag kaninyo. Ang kasulatan nag-ingon, “Pagbalaan kamo kay ako balaan man.” (1 Pedro 1:15-16)

Kay kung dili kita mamahimong "santo" o "balaan" dili gayud kita makakita sa Dios nga ang "tinubdan sa tanang balaan"!

"Paningkamoti ninyo ang pagpakigdait sa tanang tawo ug sa pagkinabuhi nga balaan kay gawas sa pagkabalaan walay makakita sa Ginoo." (Hebreo 12:14)

Ang Diyos Nagsugo Nga Magbuhat Ug Larawan

Ang nagpunay og atake nga ang pagbaton og "larawan o rebulto" usa ka "diosdios" usa ka babakon ug wala magbasa sa biblia nga tinud-anay! Kini tungod kay ang Ginoo mismo nagsugo nga magpabuhat og larawan o rebulto!

Sama pananglit diha sa Exodo 25:18-20:

"Sa isigkatumoy sa tabon sa Sudlanan paghimog duha ka kerubin nga sinalsal nga bulawan, usa sa isigkatumoy niini. Himoa ang mga kerubin nga unay gayod sa tabon. Kinahanglan nga ang mga kerubin magbukhad sa ilang mga pako aron mapandongan sa ilang pako ang tabon. Mag-atbangay sila nga magtan-aw sa tabon. Isulod sa Sudlanan ang duha ka papan nga bato ug taboni ang Sudlanan. Makigkita ako kaninyo didto. Sa tungatunga sa duha ka kerubin nga anaa sa ibabaw sa Sudlanan, ihatag ko kanimo ang tanan kong mga sugo alang sa katawhan sa Israel."

Tin-aw ang nasulat sa Exodo nga ang Dios mismo nagsugo nga maghimo ug rebulto sa mga anghel dili ingon nga sila mamahimong dios kondili mga rebulto sa anghel nga diin gamiton sa Dios aron didto Siya magpakita!

Sa pikas nga bahin gihatag ni David ang plano sa pagpahimo sa balcon sa templo ngadto sa iyang anak ng si Solomon ug "himoon usab ang rebulto sa kerubin nga binuklad ang mga pako ibabaw sa Sudlanan sa Kasabotan sa Ginoo" sa pag-ingon:

“Unya gihatag ni David kang Solomon ang plano sa kinatibuk-an sa Templo, sa mga lawak tipiganan sa mga bahandi, sa mga lawak sa itaas, sa mga lawak sa sulod ug sa Dapit nga Labing Balaan diin adto pasayloa ang mga sala...ug pilay gibug-aton sa bulawan nga himoong halaran sa insenso. Gisultihan usab ni David si Solomon sa iyang plano bahin sa himoong karwahing bulawan ug sa kerubin nga binukhad ang mga pako ibabaw sa Sudlanan sa Kasabotan sa Ginoo.” (1 Cronicas 28: 11, 18)

Sa samang paagi nagsaysay kanato ang libro sa Ezekiel mahitungod sa pagkulit sa mga larawan o mga imahen sulod sa Temple sa Dios! Mabasa kini nato sa Ezekiel 41:17-20:

"Ang bungbong sa sulod sa Templo, gikan sa salog hangtod sa ibabaw sa pultahan, gikulitan ug mga larawan sa mga palmera ug sa mga kerubin. Ang hulagway sa palmera ug sa mga kerubin nag-ulhos-ulhos. Matag kerubin may duha ka nawong: may nawong sa tawo nga nag-atubang sa palmera sa usa ka kilid ug ang usa nawong sa liyon ug nag-atubang kini sa palmera sa laing kilid. Gikulit kini sa tibuok palibot sa Templo, gikan sa salog ngadto sa ibabaw sa pultahan. Kwadrado ang mga haligi niini." (Ezekiel 41:17-20)

Gisugo sa Dios ang pag-gamit sa mga "larawan o rebulto" sa relehiyosong paaagi.

Sa Dihang gikastogo sa Dios ang mga Israelitas pinaagi sa "pagdagsang sa mga bitin nga malala", Ang Dios usab nagsugo kang Moises nga luwasan ang katawhan pinaagi sa pagmando nga maghimo kini ug "rebulto sa bitin nga tumbaga" aron nga ang si bisan kinsa nga motan-aw sa maong "rebulto nga bitin" maluwas gikan sa kamatayon! Mao kini ang nakasulat sa Numero 21:8-9:

The image snake is lifted up by Moses to save the lives of the people

"Ug giingnan sa Ginoo si Moises, “Paghimog larawan sa bitin nga bronsi ug ibutang kini sa tumoy sa usa ka tukon. Ug ang hipaakag bitin dili mamatay kon makatan-aw niini.” Busa nagbuhat si Moises ug bitin nga bronsi ug gibutang kini niya sa tumoy sa usa ka tukon. Ug kon ang hipaakan ug bitin motan-aw sa bitin nga bronsi, dili siya mamatay." (Numero 21:8-9)

Gikinahanglan gayud nga ang napaakan sa bitin mohangad ug motan-aw sa bitin nga ginama sa bronse aron nga mamaayo siya ug dili mamatay. Kini nagpasabot nga ang larawan o statuwa magamit usab diay sa "religious ritual" ug dili lamang usa ka "religious decoration". 

Ang mga Katoliko nag-gamit ug mga "rebulto", "frames of religious images", and other "artistic devices” aron nga mahinumduman ang usa ka butang o usa ka tawo nga gipamalandungan. Por ejemplo, ang paglantaw nato sa hulagway sa atong inahan atong mahinumduman ang atong inahan, ug sama sa paglantaw sa mga hulagway sa mga santos matabangan kita nga mahinumduman ang maong balaang tao. Kay matud pa lagi ang Dios haduol man sa mga balaang tao ug nahimuot kanila: "Kay ang Ginoo nagtan-aw sa matarong ug kanunayng namati sa ilang mga pag-ampo (1 Pedro 3:12).

Ang mga rebulto isip mga kahimanan sa pagtudlo sa pagtoo, ilabi na sa mga dili makamao mobasa

The Spanish Missionary showed to the First Christian of the Philippines the "Holy Image of the Child Jesus"

Dugang usab nga kasayuran sa tanan, ang Simabahang Katoliko nag-gamit usab ug mga rebulto aron sa pagtudlo sa mga bililhong butang sa pagtoo. Sa unang panahon ang mga rebulto, paintings, drawing, images ug uban pa nakatabang sa pagtudlo mahitungod sa pagtoo niadtong mga tawo nga dili kamao mobasa o kaha mosulat – o mga illiterare.

Ug kabahin niini, ubay-ubay usab nga mga Protestante nga nag-gamit ug hulagway ni Kristo ug mga bible pictures sa ilang Sunday School aron sa pagtudlo sa mga kabataan, ilabi na sa mga kabataan nga dili pa kahibalo mobasa o mosulat.

Ang mga rebulto gigamit sa mga kasaulugan sa usa ka "religious feast"

Ang mga Katoliko usab nag-gamit ug rebulto aron sa pagsaulog sa kapistahan sa Santos o mga "religious feasts" sama pananglitan sa "belen sa pasko" nga gidayandayan sa simbahan o mga panimalay.

Ug sama sa mga Katoliko, ang mga Protestante usab adunay mga rebulto nga gigamit na gitawag og “three-dimensional nativity scene” sa panahon sa pasko, ang panahon sa pagsaulog sa pagkatawo sa atong Ginoo. Busa makaingon kita nga sama kanatong mga Katoliko wala nila ilha nga diosdios kana kondili mao lamang ang pagpukaw sa atong "religious sense" aron nga mamapalom pa nato ang atong pagsaulog sa kapaskohan pinaagi sa pagpahinumdum niining mga imahen.

Ang mga "iglesia ni Cristo" ni Felix Manalo nagbaton usab ug mga rebulto

Bisan gani ang mga iglesia ni Cristo nga gitukod ni igsoong Felix Manalo sa Pilipinas nagbaton ug mga rebulto diha sa ilang mga simbahan sama sa larawan sa mga mananap nga karnero, kalapati. Ug duna usab silay larawan nga walay kinabuhi sama sa timbangan.

Ug ang pinaka-kungkreto nga larawan nga ilang gibatonan mao mismo ang estatuwa ni Igsoong Felix Manalo nga makita sa ilang Central Temple.

Ako wala magtoo nga kining mga butanga ilang gibatonan aron ilhon nga Diyos kondili aron pagpakita o pagtudlo sa pagtoo o kaha paghatag ug pagtahud sa ilang magtutukod nga si Igsoong Felix Manalo.

Kung ang atong timbangan o basihan sa mga "diosdios" mao ang pag-gamit sa kinulit nga mga imahen, larawan, rebulto etc., nan makaingon kita nga ang mga iglesia ni Cristo ni Felix Manalo o ang mga protestante nakasala usab diay sa “idolatry” o "diosdiosan". Apan ang kamatuoran nga walay “idolatry” o "diosdiosan" niining maong panghibabo. TUNGOD KAY WALA MAN ILHA SA MGA IGLESIA CRISTO NI FELIX MANALO NGA DIOS ANG ILANG LARAWAN SAMA SA ATONGT MGA KATOLIKO!

Usbon ko, ang gidili sa Diyos mao ang pagsimba isip Diyos sa mga larawan, imahen, hulagway o rebulto. Wala gidili sa Diyos ang pagkulit o paghimo ug mga larawan kay Siya mismo nagsugo man pagpahimo ug rebulto. Ang rebulto sa mga anghel, ang rebulto sa bitin nga bronse nga gigamit ni Moises, ang Diyos nagpadayag kanato nga Siya wala magdili sa pagkulit og rebulti; ug labi na nga wala ang Diyos magdili sa pag-gamit niini diha sa "religious ritual". 

ANG GIDILI SA DIOS TIN-AW MAO ANG PAGPULI UG FAKE NGA DIOS ARON NGA SIMBAHON! Sa dihang ang tawo mosimba sa imahen o larawan isip iyang Dios mamahimong masilag ang Dios nianang tawhana. Kung iyang alisdan ang Dios sa dili tinuod nga dios ug misimba niining dili tinuod nga Dios ang Dios masuko gayud niini. Busa kitang mga Katoliko wala makalapas sa balaod sa Dios nga makagagahum tungod kay wala nato alisdi ang matuod nga Dios ug mao kini ang atong pagtoo: "MITOO AKO SA USA KA DIOS ANG AMAHAN MAKAKAGAGAHUM SA TANAN!